આપણું બેસતું વર્ષ : ૬

મંગલમય ઘનશ્યામ શ્યામ સૌના દિવ્યાકૃતિ છે સદા,

મુક્ત અનાદિ દિવ્ય નાથ સાથે મૂર્તિરૂપે સર્વદા;

તદરૂપ રસબસભાવ તલ્લીન રહે સાકાર જેમ શ્રીહરિ,

અવતારી અવતાર રીત ન્યારી મૂર્તિ રહ્યા છે ધરી. ૧

અક્ષરધામ અખંડ તેજ જ્યોતિ અંબાર છે તેજનું,

મધ્યે મનોહર મોક્ષરૂપ મૂર્તિ નરરૂપ દિવ્યતનું;

સહજાનંદ આનંદ કંદ સહુનાં સર્વોપરી રાજતા,

સુખના સાગર પ્રાણરૂપપ્રભુ ત્યાં અખંડ બિરાજતા. ૨

શોભેમુક્ત સદાય શ્યામ સન્મુખ અગણિત તેજેભર્યા,

પરમ એકાંતિક નામ ધામમાંહી સુખસુખમાં જે ઠર્યા;

એવા દાસ અખંડ દિવ્યરૂપે ધામે સભા એહની,

સર્વાંગે જ્યાં તેજ તેજ ઝળકે અદભુત શોભા બની. ૩

એકાંતિક પણ ધામરૂપ થઈને સત્સંગમાં સૌ રહ્યા,

ભક્તિ ધર્મ ને જ્ઞાન સિદ્ધ કરતાં વૈરાગ્યવંત જે થયા;

આવો દિવ્ય સમૂહ ધામ કેરો સત્સંગમાં જાણવો,

અંતર આનંદકંદરૂપ રાખી, આનંદ પરમાણવો. ૪

આજે મંગળવર્ષ માસ મંગળ, મંગળ દિવસ આવિયો;

મંગળમય મહારાજ રાજ રાજે, ઉમંગ ઉલટાવિયો;

મંગળ કરવા કાજ આજ આવ્યા હરિકૃષ્ણ કરુણાનિધિ,

દિવ્યરૂપ ઘનશ્યામ પોતે સંભાળ સૌની લીધી. ૫

આજના મંગળ પ્રભાતથી શ્રીજીમહારાજની તમો સહકુટુંબ પર અમૃત નજર રહો.