૨૧૩ - પચીસ મણ ખારેકો વહેંચી

ત્યાર પછી મહા મહિનામાં લાલજીભાઈથી નાના ભાઈ હરજીનાં લગ્ન થવાનાં હતાં, તેના માંડવા વખતે પણ પોતે પાસે રહી વિધિ કરાવી ને માંડવે આવેલા માણસોને ખારેકોના ખોબા ભરી ભરીને દેવા માંડ્યા. આ વાતની ગામમાં ખબર પડતાં માંડવે નાનામોટા માણસ બાઈ-ભાઈ બહુ આવવા લાગ્યાં; પછી તો જે આવે તેને પોતે ખારેકોના ખોબા ભરી ભરીને આપ્યા જ કરે. તેથી તેમનાં લગ્નમાં તો પચીસ મણ ખારેકો વહેંચી, એવું ભારે સંભારણું કરી ગામનાં તથા ઘરનાં સૌ બાઈ-ભાઈને રાજી કરી મૂક્યાં. ઘરમાં સૌને દિવ્યભાવ, એટલે બાપાશ્રી જે કાંઈ કરે તેમાં કોઈને શંકા જ નહિ.